"Mahmudxo'ja Behbudiy" uy-muzeyi

Haqida

Mahmudxoja Behbudiy uy-muzeyi Oʻzbekiston Respublikasi Vazirlar Mahkamasining 2021-yil 13-apreldagi 206-son qarori asosida 2021-yil 18-oktabrda tashkil etilgan.

Muzeyning ochilishi 18-oktabrda — Samarqand shahri kuni munosabati bilan boʻlib oʻtdi.

Taniqli maʼrifatparvar, dramaturg, jurnalist va noshir Mahmudxoja Behbudiyning uy-muzeyi ilmiy tadqiq etish va ijodiy faoliyatni keng targʻib qilish boʻyicha ilmiy-maʼrifiy markazlardan biri hisoblanadi.

Muzeyda yaratilgan ekspozitsiyalar ilmiy konsepsiyaga asoslangan boʻlib, unda Behbudiyning hayoti va ijodi, jadidchilik tarixi, XX asr boshlaridagi madaniy-maʼrifiy voqelik, muzey eksponatlari, hujjatlar, fotokopiyalar va boshqa buyumlar namoyish etilgan.